MIZO INNEIHNA MAN LEH MUAL LEH MIZO MAN INHLANNA LEHKHA

 MIZO INNEIHNA MAN LEH MUAL

Man ei chî, chi hrang hrang kan neihte :-

A. Manpui aṭanga 'manṭang' pêk (ei)-te :

1. Pusum

2. Palal

3. Ni âr

4. Naupuakpuan

5. Sumfâng

6. Nu man

7. Châr sût phawi man

NOTE : 'Nu man' hi pasal nei kha sâwn a nih emaw, a nu leh pa inṭhena innei tawh lo emaw an nih avânga a hringtunu ei tûr a nih lai a, a nu leh pa innei lai ni reng chunga 'nu man' kan sem tho ṭhîn hi, a chîn chhuaka thil kan chîk loh ṭhin vâng a ni thei em?

'Manṭang' hming pu ve chiah lêm lo, manpui aṭang thoa pêkte :

1. Sum hmahruai

2. Chhuat kil kai man

NOTE : Mi ṭhenkhatin tûnlaia 'nuṭa man' manpui aṭanga an pêk ṭhîn hi kârkalak zauh nâna ṭhangtharten kan phuahchawp a ni em? Ni ta sela, 'laizâwn man' pawh siam ve zêl a ngai mai lo'ng maw?

B. Manpui ni lo aṭanga 'tlân kohna - fanghma no ei' ang deuha pêk chhuah (ei) ve fote :

1. Ṭhian man

2. Lawi chal man

(Mipa lam pêk chhuah)

3. Palai man

(Mipa lam pêk chhuah)

Zawhnate :

1. The Mizo Marriage, Divorce and Inheritance of Property Act, 2014 hian, "Inneihna man chu ₹ 420/- aia tlêm lo a ni ang," [Section 4] a ti a; a tam lam bithliah loa a tlêm lam chauh a bithliah avâng hian man leh mual hi a tam lamah kan duh zât zât kan chhiar thei tihna a ni em? Ni ta sela, man leh mual tihsân rawtna hi tu ma'n sawi leh innawr a ṭûl lo tihna a ni lo'm ni?

2. Inneihna manah mi tu emawin a fanu chu ₹420/- a chhiar a, tûnlaia man inhlannaah hian 'Man inhlanna lehkha' kan siam ṭhîn a; chutah chuan 'Manpui hlan zât' tih hnuaiah man inhlan fel hnua palai kal tlang mipa lam hnêna pêk lêt 'Ṭhutphah ₹20/-' tih chu ziah lan a ni bawk a. Chutih laiin ṭhutphah hi manpui ₹420/- chhûnga mi ni reng si, mi ṭhenkhatin 'Manpui hlan zât' tihah ₹400/- chauh an ziak ṭhîn a; hei hi a dik lo a ni lo'm ni?

Mizo man inhlanna lehkha a tlul leh mamawh a han tur ka dah tel e.